Spoj ljepote okusa i mirisa

Sočne gljive punjene tunjevinom

Dosadila Vam je klasika pripreme gljiva. Ovo su zalogajčići, koje ćete praviti iznova i iznova, nakon samo jednog probanja. Ništa komplikovano, a ukus je novo otkriće za Vaša nepca.Što je najznačajnije, da biste ih pripremili za pečenje treba vam  samo 10 minuta, a sve ukupno, da biste ih napravili, oko pola sata.

Sastojci:

• 3 kašike crvenog luka nasjeckanog sitno
• ½ šolje (od 250 ml) zelenih paprika, nasjeckanih
• ½ jalapeno papričice (ili neke druge ljute papričice), bez sjemenki i nasjeckane
• ¼ šolje majoneze
• 340 gr tunjevine u konzervi (tražite tunjevinu u svom soku ili u vodi)
• Šaka svježeg peršuna, nasjeckanog
• 1 kašičica crvenog vinskog sirćeta
• 1 kašičica dižon senfa
• 2 paradajza srednje veličine, nasjeckana na tanke kriške
• 450 gr manjih portobelo gljiva, očišćenih, sa uklonjenim repićima (treba vam oko 16 gljiva za punjenje, srednje veličine)
• 2 kašike maslinovog ulja
• 4-5 kriški topljenog sira (isjeckanih na četvrtine)
• So i biber

Rernu zagrijte na 180C. Pomješajte luk, paprike, jalapeno, majonezu, tunjevinu, peršun, crveno vinsko sirće i dižon senf u posudi. Dodajte so i biber po ukusu. Ostavite sa strane.Gljive stavite u dublju posudu i pospite maslinovim uljem. (Uvaljajte ih lagano u ulje). Redajte ih na tepsiju, koju ste prethodno obložili papirom za pečenje (može i aluminijumskom folijom) i punite smjesom sa tunjevinom. Preko smjese stavite 1 krišku paradajza i 1 krišku topljenog sira.Pecite 20 do 25 minuta, dok se sir ne istopi, a gljive ne ispeku. 

Služite toplo.